Иако се знае дека вирусот SARS-CoV-2 е непредвидлив, со следење на појавата на симптомите за време на инфекцијата, лекарите и истражувачите сега имаат појасна слика дали пациентот може да развие посериозна форма на болеста COVID-19.
Гастроентерологот Свапна Реди од клиниката KGW8 во Портланд, Оргенон вели дека многу КОВИД-пациенти прво развиваат гастроинтестинални симптоми, што може да вклучува губење на апетит, гадење, повраќање, болки во стомакот и дијареја.
Клучно е да се види дали овие симптоми се смируваат или се развиваат во потешки респираторни симптоми или висока температура со треска.
„Кога имате гастроинтестинални симптоми кои потоа се претвораат во висока температура, отежнато дишење - тие понекогаш навистина значат дека може да добиете умерена до тешка форма на болеста“, вели Реди, повикувајќи ги луѓето да обрнат внимание на нивните симптоми и ако забележат нешто, веднаш да му го соопштат тоа на својот лекар.
Извештаите покажаа дека додека и до половина од пациентите со COVID-19 имаат барем еден гастроинтестинален симптом, приближно 20 проценти велат дека овие симптоми се всушност единствените симптоми што ги имаат. Ова значи дека ако вашата состојба започне да се подобрува без никакви респираторни симптоми или висока температура, може да имате среќа да развиете поблага форма на болеста.