Според неколку научни истражувања, луѓето родени во мај се со помал ризик да страдаат од респираторни болести, кардиоваскуларни болести и невролошки состојби. Но, тоа не е сè.
1. Бебињата родени во мај се силни
Благодарение на комбинацијата на благите пролетни температури и оживувањето на природата, мај е месец во кој светот повторно се регенерира. Бебињата родени во мај обично се покрупни и посилни од нивните врсници родени во зимските месеци. Тие не поседуваат само физичка сила туку се познати по силната психа и дух, а и помалку страдаат од хронични болести во споредба со бебињата родени во другите месеци.
2. Имаат помал ризик за алергии
Според студија на Универзитетот Саут Хемптон од 2016 година, децата родени на пролет се помалку изложени на ризик од развој на алергии, астма и егземи.
3. Имаат помал ризик од болести на респираторниот систем
Бебињата родени во мај подобро се заштитени од респираторни болести за разлика од децата родени во кој било друг месец, стои во студија објавена во 2015 година во American Medical Informatics Association. Тоа значи дека е помала веројатноста децата да развијат астма или респираторни инфекции.
4. Тие се ноќни птици
Можеби се прашувате зошто детето не сака да си легне пред 20 часот. Студија од 2009 година објавена во Sleep покажа дека пролетните и летните бебиња подоцна одат во кревет за разлика од децата родени во текот на есента или зимата.
5. Прилично се среќни луѓе
Интернет анкета спроведена во 2014 година, а во која учествувале повеќе од 40.000 луѓе, откри дека личностите кои слават роденден во мај се посреќни од оние родени во кој бил друг месец. Британскиот психолог Ричард Вајсман, водач на истражувањето, вели дека можна причина за тоа е промената на начинот на кој некои родители комуницираат со нивните бебиња во текот на летото и зимата.