Татковците кои од најрана возраст им читаат на децата придонесуваат за нивниот побрз когнитивен развој. Играњето и интеракцијата меѓу детето и таткото може да придонесат за подобра интеракција и подобра комуникација со надворешниот свет.
Докажано е дека татковците во првите четири месеци од родителството доживуваат раст на делови од мозокот кои се вклучени во родителската мотивација. Промената се случува и за татковците и за бебињата, кои благодарение на присуството на таткото учат да управуваат со своите емоции.
Првите неколку месеци се многу важни. Од првите недели бебето почнува да учи како треба да размислува, а тогаш се развива и фантазијата. Процесот на учење се нарекува когнитивен развој и се случува пред вашите очи.
Таткото придонесува на овој процес, а најдобар начин да му помогне на детето е да биде вклучен од почетокот.
Студија спроведена од тим на Империјал Универзитетот во Лондон покажа интересни резултати. Истражувачите снимиле татковци како си играат со тримесечните бебиња три минути легнати на под, без играчки. Потоа истото го снимиле во текот на сесија на читање книги откако детето наполнило две години. Забележале дека бебињата кои повеќе си играле со татковците на возраст од 3 месеци постигнале подобри резултати на тестовите до две години, како препознавање на формите и боите, во споредба со бебињата кои немале присуство на татко во растењето.
Во студијата исто така е објавено дека читачките активности се корисни за внимание и решавање јазични проблеми. Затоа татковците кои одвоиле време да им читаат на децата од мали нозе, на мирен и трпелив начин придонеле на нивниот когнитивен развој. Интеракцијата исто така влијае и на социјалното однесување на детето, пишува Bored Panda.