Многу од средствата кои можат да се купат во продавница од нас бараат за време на употребата лицето и рацете да ги заштитиме со маска и ракавици, бидејќи испарувањето може да предизвика сериозни иритации на кожата, очите, грлото и дишните органи, а во случај на проголтување последиците можат да бидат и смртоносни. Исто така, стредствата за чистење се прават од гомила штетни хемикалии, кои неминовно завршуваат во водите, земјата и воздухот и го загрозуваат целиот екосистем, а со тоа и храната која ја јадеме. Згора на сѐ, и не се евтини.
Затоа многумина се вртат кон природата и самите си прават евтини, а доста ефикасни средства без капка хемија и со чија помош може да се исчисти целиот дом без мака.
Состојки: 1 чаша алкохолен или јаболков оцет, 1 чаша вода, изрендана кора од 1 лимон, неколку стебленца свеж рузмарин.
Подготовка: Сите состојки сипете ги во тегла, добро промешајте и оставете да отстои недела дена на собна температура. Процедете и претурете во еколошки прифатлива боца со распрскувач.
Употреба: Ова средство ќе ви помогне да ја отстраните нечистотијата од масите, работните и други површини, а со него можете да отстранувате и флеки од ѕидови или да ја исчистите кантата за ѓубре. Пред употреба протресете го, испрскајте, пребришете и тоа е тоа.
Предупредување: Избвегнувајте да го користите на гранитни површини и нерѓосувачки челик, како и на сите површини на кои произведувачот нагласил нека не смее да дојдат во контакт со оцет.
Состојки: 4 лажици сода бикарбона, 1 литар вода.
Подготовка: Откако ќе ја растворите содата бикарбона во вода, средството е готово.
Употреба: За чистење на сите кујнски површини и апарати. Со оглед на тоа што содата бикарбоната има моќ да ги отстрани непријатните мириси, особено се препорачува за миење на внатрешноста на фрижидери, славини и мијалници од нерѓосувачки челик, како и за редовно миење на кујнските одводи.
Состојки: 2 чаши вода, ½ шолја алкохолен оцет, ¼ шолја медицински алкохол (70%), 1-2 капки есенцијално масло од портокал.
Подготовка: Истурете ги сите состојки во еколошко шише со прскалка и протресете.
Употреба: Испрскајте го средството на мали површини од прозорецот и веднаш избришете со хартиена крпа. За миење огледала или други стаклени површини, прво испрскајте од средството на крпа или салфетка.
Совет: Избегнувајте миење прозорци кога надвор е многу топло и сончево. Во спротивно, ќе постигнете спротивен ефект, бидејќи ова средство многу брзо испарува поради присуството на алкохол, поради што може да останат дамки.
Состојки: Јаболков оцет или сок од лимон, кујнска сол, сунѓер.
Подготовка: Сунѓерот намачкајте го со оцет или лимон, па посипете со сол.
Употреба: Нежно тријте ги месинганите површини со сунѓер додека не се отстранат сите дамки. Добро исплакнете со вода или влажен сунѓер, а потоа веднаш исушете со мека крпа.
Состојки: 3 лимони, 400 мл вода, 200 гр сол, 100 мл алкохолен оцет.
Подготовка: Лимонот со кора исечкајте го на помали парчиња и извадете ги семките. Се става во блендер и се прави каша. Истурете во тенџере, додадете оцет, вода и сол. Оставете да зоврие и оставете да се вари уште 10-15 минути со постојано мешање. Тргнете го од шпоретот и оставете го да се излади. Пред истурање во соодветно пакување, процедете го преку газа.
Употреба: Користете како класичен детергент за садови.
Состојки: 100 гр природен сапун, 3 дл топла вода, 1 лажица сода бикарбона, 1 лажица шеќер во прав, неколку капки есенцијално масло од чајно дрво.
Подготовка: Изрендајте го сапунот, додадете топла вода и матете со миксер додека не се растопи целиот сапун и не добиете пенеста смеса. Додадете сода бикарбона, сок од лимон и неколку капки есенцијално масло од чајно дрво. Истурете во шише со пумпа или друг соодветен додаток.
Употреба: Користете за чистење плочки и санитарија во кујната и бањата. Маслото од чајно дрво ќе ви помогне да се ослободите не само од бигорот, туку и од тврдоглавата мувла.
