Еволуцијата го направила човекот онаков каков што е денес. Но, што ако таа и натаму трае? Како би изгледале во иднината?
Секој вид на планетава мора да се прилагоди на околината за да преживее. Човекот не е исклучок.
Не сме постоеле милиони години како многу други видови. Најстариот скелет на модерен човек некогаш пронајден е стар 196 илјади години. Но, дури и за време на овој релативно краток период, нашиот вид многу еволуирал. Всушност, луѓето и никогаш немаат престанато да еволуираат. Такво е барем тврдењето на некои научници, а одредени докази тоа и го потврдуваат.
На пример, пред околу 20.000 години, само децата можеле да пијат млеко без да имаат проблеми со стомакот. Тогаш човекот ги припитомил домашните животни како крави и кози. Денес, третина од возрасната популацијата нема никакви проблеми со пиењето млеко. Всушност, оваа способност се развила независно кај различни групи на луѓе низ целата планета.
Што доколку нашите тела и натаму еволуираат. Кои промени го чекаат човештвото во иднина? Се разбира, никој не може со сигурност да каже, но експертите имаат некои навистина интересни теории на оваа тема.
