Во древната историја многу овошја се сметале за локовити, а за некои слободно можеме да кажеме дека луѓето особено ги почитувале. Едно од таквите е калинката, некогаш сметано за свето овошје кое нудело куп витамини и плодност. И ден денес е познато како овошје кое има бројни здравствени придобивки за нашиот организам.
Goodhousekeeping.com го пренесува истражувањето на нутриционист кој тврди декла калинката е богата со полифеноли, антиоксиданси кои се борат против нестабилните молекули кои можат да ги оштетат нашите клетки. Содржи и антоцијанини кои освен што на калинката ѝ даваат црвена боја, помагаат и за намалување на крвниот притисок и даваат превенција од рак.
Исто така, со консумација на калинка внесувате барем 4 грама влакна по порција, наведува американското Министерство за земјоделство. Тоа е речиси 15% од препорачаната дневна вредност на влакна за возрасни и отприлика половина шолја од ова божествено овошје.
Калинката е одличен извор на витамин Ц. И да изедете само половина шолја со зрнца од калинка ќе си обезбедите внес на околу 9 милиграми витамин Ц, што е приближно 10% од препорачаната дневна вредност за возрасни. Во исто толкава порција калинка ќе добиете 205 милиграми калиум, додека неговиот сок има речиси 533 милиграми калиум по шолја.
Истражувањата покажаа дека редовното консумирање свежа калинка или сок од калинка помага за намалување на воспаленија кои им претходат на срцевите болести и дијабетес. Исто така, го намалува крвниот притисок и превенира врак, а ги намалува и воспаленијата во телото. Редовното консумирање сок од калинка е исклучително добро за намалување на крвниот притисок и особено им се препорачува на луѓе со срцеви болести кои треба да пијат по една чаша сок дневно.
Калинката е фантастична и за здравјето на бубрезите. Имено, калинката може да помогне во превенција и лечење на камен во бубрег бидејќи содржи антиоксидативни прехранбени филофеноли, за кои е потврдено дека се ефикасни во превенцијата на создавање камен во бубрег, покажаа разните истражувања.
Според тоа, бидејќи ни доаѓа ладното време, а грижата за здравјето во тој период од годината е исклучително важна. Затоа одберете калинка, која може да ви помогне во превенцијата од разни здравствени проблеми.
