Паметните столбови за комунални услуги подигнати од властите во Сеул ќе имаат повеќекратна функција.
Во главниот град на Јужна Кореја лани беше најавена инсталација на нови „паметни“ столбови за комунални услуги, кои ќе служат како осветлување, семафори, сензори, полначи за електрични автомобили, мобилни телефони, точки за пристап до W-Fi, безбедносни камери и многу повеќе.
Инсталирањето на паметни столбови веќе започна, а досега се инсталирани вкупно 26 столбови на шест локации во градот. Таканаречениот систем S-Pole може да полни и електрични автомобили, беспилотни летала, но и да ги брои чекорите на пешаците.
Проектот е сè уште во фаза на планирање, и ќе овозможи следење на потенцијални катастрофи со употреба на дронови и обезбедување важни информации за спасувачките тимови.
Новите паметни комунални столбови ќе извршуваат повеќе функции, ќе го подобрат изгледот на урбаните области, како и безбедноста на граѓаните. Исто така, ќе служи како станица за полнење уреди и автомобили, така што Сеул прави уште еден чекор кон целта да стане „паметен град“.
Проектот е дел од глобалниот развој на мултифункционална улична инфраструктура, бидејќи градовите, возилата и луѓето стануваат сè повеќе поврзани. Важно е и поради фактот што градовите стануваат пренатрупани поради новите технологии и слично.
Со оглед на тоа дека во 2021 година во нашиот главен град уште се радуваме на закрпени дупки на улиците и наоѓање место за велосипедски патеки, можеме само да претпоставиме дека Скопје ќе почека да стане „паметен град“.
