Знаците на опасност кои со себе ги носи зголемениот шеќер во крвта понекогаш можат да бидат прашање на живот или смрт.
„Ако имате дијабетес, многу е важно да внимавате на високото ниво на шеќер во крвта. Дури и ако немате, постојат знаци на предупредување за кои треба да бидете свесни“, вели д-р Томи Мичел за Eat This, Not That..
Прекумерна жед
„Претераната жед е еден од најчестите симптоми на дијабетес, состојба што се јавува кога телото не може правилно да го обработи и искористи шеќерот присутен во храната. Без адекватен инсулин за транспорт на глукоза во клетките за енергија може да дојде до таложење во крвотокот и да предизвика опасно ниво на шеќер во крвта“, објаснува Мичел.
Еден од начините на кои телото се обидува да се спротивстави на овој процес е сигнализирање да пиете повеќе вода.
„Кога нивото на шеќер во крвта е превисоко, вишокот глукоза се извлекува од крвта и се претвора во облик кој телото може да го искористи, но за жал тоа предизвикува прекумерно мокрење“, вели докторот.
Тоа може да доведе до дехидрација, што доведува до уште поголема жед бидејќи телото се обидува да ја надомести изгубената вода.
„Ако забележите претерана жед заедно со други симптоми, како што се губење на тежина, раздразливост или чести инфекции, важно е да разговарате со вашиот доктор што побрзо. Со рано тестирање и менување на исхраната и стилот на живеење, може да ја контролирате болеста или да спречите компликации“, советува Мичел.
Дополнителни чести симптоми се умор, заматен вид, бавно зараснување на рани, збунетост, намалено потење, сува кожа и слично.
