Квалитетот на антитела, индуцирани од вакцините против COVID-19 базирани на RNA, континуирано се подобруваат во текот на најмалку 6 месеци, додека имуниот систем истовремено продолжува да ги „тренира“ своите Б-клетки кои произведуваат антитела, покажа американска студија.
По вакцинација, некои Б-клетки стануваат кратковечни клетки кои произведуваат антитела, а дел од нив се придружуваат на така наречени „герминални центри“ кои по инфекција или вакцинација се создаваат во лимфните јазли и се важни за созревање на Б-клетките.
Научници од Универзитетот Вашингтон, предводени од имунологот д-р Али Елебеди, герминалните центри сликовито ги споредија со камп за обука во кои Б лимфоцитите ги созреваат и усовршуваат вештините.
Б-клетките спаѓаат во бели крвни зрнца и единствено тие може да создадат клетки кои излачуваат антитела. Колку подолго останат во телото, имуниот систем поуспешно се бори против различни варијанти на вируси.
„Клетките од герминалните центри кои успешно „дипломираат“ може да станат долговечни клетки кои произведуваат антитела, а тие живеат во нашата коскена срж и стануваат мемориски Б клетки, спремни да се ангажираат при заболување“, објаснува д-р Елебеди.
Тој изјави дека претходните студии на животни покажале дека реакциите во герминалните центри траат само неколку недели,.
Но, анализата на крвта, ткивото на лимфни жлезди и коскена срж од доброволци кои примиле вакцина на Pfizer покажала дека реакциите на герминалниот центар се поттикнати и траеле најмалку 6 месеци, додека антителата со текот на времето станале поуспешни во препознавање и напад на протеинот на површината. Станува збор за шилестиот протеин на изворната верзија на SARS-CoV-2, стои во студијата објавена во Nature.
Научниците се согласни дека се потребни дополнителни истражувања за да се дознае дали овој одговор на герминалниот центар е единствен само во случај на вакцинација со mRNA вакцина или може да биде предизвикан и од традиционалните вакцини.