Разни теории на заговор се објавуваат по социјалните мрежи откако улиците на руски град се преплавија од мртви птици. Патем, градот е познат по блиската нуклеарна централа.
Жителите на градот Балаково, кој се наоѓа во регионот Саратов на околу илјада километри јужно од Москва, се сведоци на необична и морничава глетка отккао градските улици беа преплавени со мртви птици.
Веднаш на сцена стапија бројните теории на заговор: од силни воздушни струења, огномет, загадување од фабрики, дури до 5G мрежата која, патем, во Русија не е ни воведена.
„На почетокот од ТВ серијата 'Chernobyl' сите птици умираат“, вели еден коментар кој собра куп лајкови на рускат социјална мрежа ВКонтакте.
Ветеринарниот институт од Саратов го истражува необичниот настан, а веќе претпоставуваат дека се работи за епидемија од вид на птичји грип. Сепак, локалните жители не веруваат многу во можностите на локалните ветеринати.
„Тешко веројатно дека ветеринарите од Саратов се компетентни. Треба да повикаме експерти од Москва, каде сите најдобри поединци одат за да заработат многу пари“, пишуваат жителите на Балаково.
