Видеото на кое полуголи мажи на новогодишната ноќ рекреираат волшебнички дуел како од Хари Потер стана вирално во Русија, па сега московската полиција е во потрага во двајцата „волшебници“.
Дуелот е снимен во градот Балашиха, само 1 километар оддалечен од московската обиколница, и тоа кратко откако стрелките на часовниците означија полноќ вечерта на 31 декември. Двајцата решиле новогодишниот огномет да го искористат за да направат волшебнички дуел како на Хари Потер, па се гаѓале еден со друг со „магии“.
Атрактивниот дуел дури и собрал публика, како што се гледа на видеото, а двајцата „волшебници“ успешно ги избегнуваат „магиите“ од противникот, па за среќа нема повредени.
