Компанијата Airheads ја претстави првата подводна машина за слатки, која може да се користи во базени, а единствена валута е забавата.
Преку будењето носталгија за детските лета и многу забава во базените, Airheads се надева дека со својата иновација ќе им го разубави ова лето на сите, чија главна цел е „да ги врати возрасните во базенот“. Тоа е машина за слатки која работи под вода.
Инспирацијата доаѓа од една неодамнешна студија, која укажа на значителни промени во навиките на возрасните кога е во прашање пливањето. Речиси три четвртини од возрасните признаваат дека не пливаат толку често како кога биле деца, а слатките како Airheads се тесно поврзани со летните денови на базен. Новопокренатиот Airheads сака да ги обнови убавите спомени и да ги охрабри возрасните да се вратат во базенот, да пливаат и да нуркаат.
„Нашиот автомат Underwater Vending Maschine сигурно ќе ги привлече возрасните да скокаат во базенот и одново да ги доживеат безгрижните денови на летото. Толку многу луѓе се чувствуваат носталгично и се сеќаваат како уживаат во бонбоните Airheads во топлите денови, а ние сакаме да го вратиме тоа чувство низ забава“, изјави потпретседателот на маркетинг во италијанско-холандската компанија, Перфети ван Меле, која е сопственик на американскиот бренд Airheads.
Автоматот работи на длабочина до 2,5 метри благодарение на неговиот водоотпорен дизајн и воздушен погонски систем што ги лансира слатките кон пливачите. Меѓутоа, оние што сакаат слатки нема потреба да користат пари, туку доволно е да направат некоја од водените лидории што машината ќе ги побара од нив.
Промотивното видео најдобро го покажува целиот процес.
Airheads дури и ги продава своите машини за 7.000 долари. Со секое купување уред, се гарантира доживотно снабдување со слатки Airheads.
