Војводата и војвотката од Сасекс, принцот Хари и Меган Маркл потврдија дека го очекуваат нивното второ дете, а малиот Арчи за неколку месеци ќе добие брат или сестра.
Хари и Меган на социјалните мрежи споделија заедничка фотографија на која војвотката е во поодмината бременост, а е направена од фотографот Мисан Хариман.
И Хариман објави фотографија од среќниот пар.
„Мег, бев на вашата венчавка да сведочам како започна оваа љубовна приказна и чест ми е да забележам како таа расте. Им честитам на војводата и војвотката од Сасекс на радосната вест“, напиша фотографот.
Новото кралско бебе е осмо во редот за престолот. Хари го задржа местото во наследната линија и покрај тоа што тој и Меган се повлекоа од обврските кон Кралството во јануари, минатата година.
Бакингемската палата во изјава за CBS News соопшти дека кралицата Елизабета, принцот Чарлс и целото семејство се одушевени од веста за новото кралско бебе.
Убавата вест доаѓа по само неколку месеци откако Меган откри дека имала спонтан абортус во јули, 2020 година. Во статија за The New York Times таа детално откри колкава била нивната тага по загубата.