Секој родител има различен стил на однесување со децата. Најчесто, навиките доаѓаат од нивните искуства кога биле деца или од тоа што го слушаат од другите.
Односот родител-дете треба да се негува, екстремните однесувања може да ја уништат оваа посебна врска, па дури и да ве оддалечат од детето. Ако навистина сакате детето да израсне во квалитетна возрасна личност, овие родителски стилови би требало да ги избегнувате.
Кога родителите не се вклучени или ги занемаруваат децата, не ги слушаат и не бараат ништо, рамнодушни се кон нив, тоа може негативно да влијае на детскиот ум и развојот. Рамнодушноста на родителот може негативно да се одрази на иднината на детето.
За разлика од невклученото родителство, хеликоптерското е целосна спротивност. Родителите кои припаѓаат на овој стил претерано се вклучени во животот на детето. Внимаваат детето да прави сè совршено, без простор за грешки. Овие родители се однесуваат премногу заштитнички. Иако децата растени со оваа техника се многу сакани, може да се чувствуваат преплавени со количината внимание што ја добиваат и тоа може да ги направи целосно зависни од родителите.
Слично како родителите хеликоптери, родителите спасувачи се грижат нивните деца да не згрешат, не дозволувајќи ниту да се обидат за тоа. Ова може да влијае на децата кога ќе пораснат да бидат целосно безгрижни и рамнодушни луѓе кои не знаат да преземат одговорност за своите постапки.