Португалскиот напаѓач Кристијано Роналдо е спортист со најмногу следачи на Instagram - 253 милиони - а тој број го надминува вкупниот број на фанови на сите англиски клубови заедно на истата социјална мрежа.
Фудбалерот на Јувентус е далеку пред другите најследени спортисти од различни спортови како тенисерот Рафа Надал (10,3 милиони), кошркарот Леброн Џејмс (77,1), мотоциклистот Валентино Роси (9,8), фудбалерот Лео Меси (177), рагбистот Том Брејди (7, 8) или УФЦ шампионот Хабиб Нурмагомедов (26,6).
Португалецот има повеќе следбеници од сите клубови во најгледаната фудбалска лига во светот - Премиер лигата.
Водечки во Англија е Манчестер Јунајтед со 38,6 милиони следбеници, а по него следат Ливерпул (29,5) и Челси (24,8). Најмалку следен е Барнли со 352.000, четири илјади помалку од Вест Бромвич. Манчестер Сити и Арсенал варираат помеѓу 20 и 25 милиони, Тотенхем скоро десет (9,6), Лестер пет (4,7), а официјалниот профил на првенството достигна 43 милиони следбеници.
И кога сето тоа ќе се пресмета, Англичаните имаат „само“ 202 милиони во споредба со 253 милиони следбеници на Роналдо.
Неверојатните податоци потврдуваат дека португалската суперѕвезда е „машина за пари“, а кога на тоа ќе се додадат и следбениците на Twitter и Facebook, доаѓаме до неверојатна бројка од 467 милиони следбеници и јасно е дека Кристијано сега е „компанија“ и може само од заработката од социјалните мрежи да живее раскошно од крајот на животот.
