Сите оние кои им посакуваат мир и среќа на членовите на своето семејство дефинитивно ќе ги стават овие цвеќиња на трпезата за Велигден.
Јајцата се неизбежен дел од традицијата на христијанскиот празник со кој се слави воскресението на Исус, односно новиот живот. Тие симболизираат нов живот, раѓање, плодност, изобилство и пролет, а старите Египќани, Персијци, Хелени и Римјани си давале јајца како симбол на новиот живот кој пристигнува по зимата.
Велигден е полн со обичаи и симболи, а големо внимание се посветува на велигденските украси кои по правило треба да симболизираат и нов живот. Се верува дека најдобро е домот да се исполни со цвеќиња кои воедно симболизираат невиност, љубов и целомудрие, за да ни биде таква цела година.
Пролетните цвеќиња одлично се вклопуваат во празнувањето на најголемиот христијански празник, а овие 3 цвеќиња симболизираат нови почетоци.
Велигденски крин
Велигденскиот крин е симбол на Христовото воскресение, а симболизира чистота и милост. Го поврзуваат со плодноста и мајчинството и затоа е важно да го имате дома на овој голем празник.
Момина солза
Цвет кој е симбол на нежност, скромност и чистота. Незаменлив е во букетите на невестите кои се мажат на пролет, дури и невестите во кралските семејства носат бидермаер од овие цвеќиња.
Лале
Лалињата претставуваат совршена љубов - црвените лалиња се поврзуваат со искрени емоции, додека виолетовите лалиња се симбол на восхит и почит. Во секој случај, лалињата се симбол на сите вредности што го красат Велигден.
