Сините зони секој ден стануваат сè популарни и тоа поради добра причина. Станува збор за петте светски региони кои имаат најголем број на стогодишници. Повеќето жители на овие делови од светот имаат мал број случаи на срцеви заболувања, деменција и рак.
Сините зони станаа популарни бидејќи многу луѓе сакаат да ја дознаат тајната за долговечност со надеж дека тие навики ќе можат да ги применат за себе. Некои од тајните за долговечност всушност се многу едноставни – здрава исхрана, социјализација и многу движење.
Покрај тоа, жителите на Окинава во Јапонија имаат древен обичај. Тие седат на под додека одмораат, читаат и се дружат со роднини и пријатели, па дури и кога јадат. Сега, сигурно се прашувате каква врска има тоа со здравјето и виталноста?
Според Blue Zones, страница посветена на истражувања за долговечноста и навиките на стогодишниците, жителите на Окинава седат на под и стануваат многу пати дневно, повеќе отколку во другите подрачја во светот.
„Така ги вежбаат нозете, грбот и карлицата на природен начин. Седењето на под исто така го подобрува ставот на телото и ја зголемува силата, ги подобрува флексибилноста и подвижноста“, стои на интернет страницата.
Истражувањата покажаа дека подвижноста може да ви помогне подолго да живеете. Според студија објавена во European Journal of Preventive Cardiology, неможноста на седење на под всушност е поврзана со пократок стил на живеење.
Затоа, ако сакате да го подобрите здравјето и стекнете здрави навики, почнете да ги менувате. Обидете се барем еден оброк на ден да изедете додека седите на под или читајте ја вашата омилена книга.
