Американката Ешли Нес на 28 јули роди два пара идентични близнаци одеднаш - две девојчиња и две момчиња.
Шансите да се случи ова беа еден на 10 милиони. Ешли се породи со царски рез во Општата болница во Масачусетс во Бостон. Бебињата се родени 12 недели порано, па некое време ќе бидат на интензивна нега.
„Бебињата решија да дојдат на свет порано од очекуваното. Се чувствувам одлично“, изјави Ешли за магазинот People.
Ешли претходно се борела со неплодност, па ова е остварување на нејзиниот долгогодишен сон.
Докторот Ахмет Башат изјавил дека нејзината бременост е секако ризична и дека ова е прв ваков случај на кој се сретнал во неговата 30-годишна кариера.
Прво бил шокиран од она што го видел на ултразвукот. Тој додаде дека пребарувал на интернет за да види дали воопшто е можно да се случи вакво нешто.