Уште во древните Хелада и Рим јачменот бил првиот избор на гладијаторите, а денес е познато дека е богат со важни витамини и минерали. Посебно е вредна јачменовата вода, за која се верува дека лекува воспаленија, но помага и при слабеење.
Јачменот е богат со незаситени масни киселини, витамини А, Д, Е и Б12, како и минерали како што се калиум, магнезиум, цинк, железо, фосфор, кобалт, флуор и јод. Затоа, водата од оваа житарица е познат народен лек за сите видови воспаленија уште од античко време.
Може да се пие во случај на воспаление на респираторниот, дигестивниот или уринарниот систем, а исто така го ублажува гадењето и повраќањето бидејќи одржува рамнотежа на цревната флора и ја надоместува изгубената течност. Исто така, јачменската вода е вистинска препорака за сите оние што сакаат да ослабат бидејќи го забрзува метаболизмот на мастите. Покрај тоа, го намалува холестеролот, кој го штити кардиоваскуларното здравје.
Можете лесно да ја направите сами. Доволно е во литар ладна вода да ставите една лажичка исчистен јачмен, без лушпа. Почекајте да зоврие и оставете на силен оган уште 10 минути. Процедете преку газа и пијте топло двапати на ден.
Слузта од јачмен што останува по готвењето ќе помогне при проблеми со варењето и стомачните болки. А за ублажување на болките во грлото, можете во топла јачменова вода да додадете една лажичка мед и сок од еден лимон.
