Јапонците не би биле Јапонци ако не измислат нешто необично. Сега, со нивниот мопед можете да уживате во возењето со вашиот миленик.
Можеби омилениот парк на вашето куче е на другата страна на градот или има здравствени проблеми поради кои не може долго да оди. Во тој случај, овој мопед е идеалното решение.
На почетокот изгледа чудно, но познат е фактот дека сопствениците ќе направат сѐ за нивните миленици да се чувствуваат среќно и безбедно. Дизајниран така да кучето е сместено во средината за да можете секогаш да внимавате на него.
Помалите кучиња навистина ќе уживаат, а има доволно простор и за поголеми раси. Мопедот има и LED светилка која обезбедува добра видливост во текот на ноќта. Водоотпорен е, па можете да го возите без проблем кога врне.
Сепак, треба да се напомене дека ова е ограничено издание и дека, судејќи по страницата на која се продава, останати се само уште неколку примероци. Чини 123.370 јени, што е речиси 1.000 евра.
