Во пресрет на еден од најголемите муслимански празници, домаќинките подготвуваат посебна трпеза. Суштински дел од бајрамската софра се традиционалните јадења, особено десертите. Кралицата на бајрамските колачи е секако баклавата.
Годинава Курбан бајрам почнува на 9 јули и трае до 13-ти. Оригиналното име на арапски е Ид ал-Адха (عيد الأضحى) и значи Празник на жртвата.
Традиционалните колачи во балканските ислански кујни се карактеризираат со агда, која се користи за преливање на десерти. Агда е прелив направен од шеќер и вода. Традиционално за празниците се приготвуваат баклава, рози, персимон и туфахија. Подолу е рецептот за баклава, која е составен дел од традиционалната кујна.
- 1 kg готови кори за баклава
- 900 gr мелени ореви
- 100 gr крупно сечкани ореви
- 150 gr шеќер
- 250 gr путер
- 100 ml масло
За агдата:
- 1 kg шеќер
- вода
- лимон
Прво направете ја агдата за да се излади додека се пече баклавата. Се вари водата и шеќерот околу 10 минути. Доколку сакате, кон крајот додајте сок од половина лимон.
Откако ќе ја подготвите агдата почнете да ја подготвувате баклавата. Земете тавче и премачкајте го со масло. Исечете ги корите во големина на тавата. Измешајте ореви и презла. Најпрво во тавче наредете 3 кори и секоја премачкајте ја со масло. Четвртата посипете ја со мешавина од ореви и презла, петтата премачкајте ја со масло. Така правете до крај, едната премачкајте ја со масло, следната посипете ја со ореви додека не се потроши целиот материјал. На крајот премачкајте ги последните три кори со масло, како на почетокот.
Кога баклавата е готова, треба да се исече. Многу е важен и изгледот на баклавата, а во продолжение ви пренесуваме два начина како правилно да ја исечете оваа традиционална торта.
Првиот и воедно најпознат и најкористен начин на сечење баклава е „сечењето на ромбови“. Оваа опција е можеби најпогодна за почетници кои можеби не се осмелуваат да експериментираат со различни потези на ножот.
Имено, во овој случај се прават вертикални и прави и попречни коси линии кои заедно создаваат ромб - препознатливиот изглед на баклавата.
Друг малку покомплициран метод е „сечење на ѕвезди“, па затоа е важно да останете фокусирани и да го следите шаблонот подолу или видеово:
Иако можеби повеќе ќе се помачите за вакво сечете баклава, кога ќе завршите ќе бидете горди бидејќи крајниот резултат ќе биде одличен. Имено, во центарот на тавата ќе има ѕвезда, од која се шират краците, што ја прави баклавата навистина примамлива и апетитивна.
Баклавата се пече 50 минути во загреана рерна на 200 степени. Првите 10 минути печете на 200 степени, а потоа намалете на 180 степени и следните 30 минути печете на 180 степени. На крајот на печењето повторно ја зголемуваме температурата на 200 степени и печеме уште 10 минути.
