Познатата бразилска манекенка Адријана Лима со најновата фотографија на Instagram покажа како течат подготовките за новата кампања на брендот Victoria’s Secret.
Да потсетиме, пред една недела Адријана Лима го одбележа своето грандиозно враќање во манекенската кариера по петгодишна пауза. Потоа со видео објавено на социјалната мрежа откри дека повторно е заштитно лице на најпознатиот бренд на долна облека за жени, а позитивни беа и реакциите на нејзините многубројни следбеници.
Таа во неодамнешната компилација на фотографии покажа како течат подготовките за најновата кампања на брендот Victoria's Secret, а од приложениот материјал можеме да видиме дека Адријана блеска.
Бразилскиот модел предизвика ерупција од воодушевување на Instagram со својата долга волуменозна коса. На оваа објава веднаш реагираа колешките манекенки, но коментари оставија и познати личности од различни сфери на јавниот живот.
„Се врати и изгледа подобро од било кога“, коментира пејачката и модел Рита Ора.
„Wow“, додаде најбараната манекенка на денешницата, Џиџи Хадид.