Најновите истражувања покажуваат дека околу 10% од возрасните имаат проблем со тинитус, додека оваа појава е нешто почеста кај постарите и кај мажите.
Тинитус (зуење во ушите) е феномен кога чувствувате звукот без присуство на надворешен звучен стимул. Односно, човекот тогаш го слуша она што го нема.
Причините можат да бидат различни: може да има промени во крвните садови на главата и вратот, грчеви на мускулите на средното уво, болести на самото уво, повреди на главата или вратот, мултиплекс склероза, заразни болести, сифилис... Но и употребата на одредени лекови.
Освен тоа, тинитус се јавува кај лица со висок крвен притисок, како и кај луѓе со слаба циркулација.
Доколку се појави тинитус поради лошата циркулација во ушите, овие луѓе треба да го исфрлат кофеинот, цигарите, алкохолот и да го намалат внесот на сол од својот живот.
Понекогаш тинитус може да биде последица на насобраниот восок. Кога ќе се акумулира премногу, може да го иритира тапанчето и да предизвика зуење.
Доколку зуењето е често, ве советуваме да посетите лекар за да го проверите вашето здравје.
