Селекторот на италијанската фудбалска репрезентација, Лучано Спалети, денеска го објави поширокиот список на играчи за претстојното Европско првенство кое ќе се одржи во Германија.
Италија ја брани титулата европски првак, која ја освои во 2021 година. „Аѕурите“ до почетокот на Европското првенство ќе одиграат пријателски натпревари со Турција и Босна и Херцеговина.
Повик од селекторот не добија Чиро Имобиле и Мануел Локатели, кои беа стандарни во тимот на Роберто Манчини во походот на европската круна. Интересно, Спалети го повика фудбалерот на Јувентус, Николо Фаџоли, кој не игра од октомври поради суспензија. Фаџоли беше казнет поради нелегалното обложување.
ЕУРО 2024 ќе се одржи од 14 јуни до 14 јули во Германија, а Италија во групата Б ќе игра против Шпанија, Хрватска и Албанија.
На списокот на Спалети се само тро0јца играчи кои не играат во Италија и тоа двајцата голмани Донарума од ПСЖ и Викарио од Тотенхем, како и Жоржињо од Арсенал. Сите останати играат во Серија А, а најмногу има од шампионот Интер - 6.
Голмани: Џанлуиџи Донарума, Алекс Мерет, Иван Проведел, Гуљелмо Викарио.
Одбрана: Франческо Ачерби, Алесандро Бастони, Раул Беланова, Алесандро Буонџорно, Рикардо Калафјори, Андреа Камбјазо, Матео Дармјан, Џовани Ди Лоренцо, Федерико Димарко, Џанлука Манчини, Џорџо Скалвини.
Среден ред: Николò Барела, Брајан Кристанте, Николò Фаџоли, Мајкл Фолоруншо, Давиде Фратези, Жоргињо, Лоренцо Пелегрини, Самуеле Ричи.
Напад: Федерико Кјеза, Стефан Ел Шаарауи, Рикардо Орсолини, Џакомо Распадори, Матео Ретеги, Џанлука Скамака и Матиа Ѕакањи.
