Турските медиуми Hürriyet и Kelebek објавија текстови дека Зинедин Зидан се појавил во Истанбул на трансплантација на коса.
Тие тврдат дека славниот Французин поминал две недели во Турција за да го „промени имиџот на ќелава икона“. Турците тврдат дека Зидан престојувал во најлуксузниот хотел во квартот Бешикташ, а целата организација му ја препуштил на својот менаџер. По постапката во тајност се вратил во Франција.
Во изминатите недели, Зидан беше наведуван како еден од фаворитите за преземање на ПСЖ по заминувањето на Маурисио Почетино. Сепак, ПСЖ се одлучи за тренерот на Ница, Кристоф Галтиер, со кого потпиша две години. Така, Зидан е сè уште невработен откако го напушти Реал Мадрид во јуни минатата година.
