Титаник потона во 1912 година откако се судри со санта мраз. Оттогаш, фасцинацијата со несреќниот патнички брод не престанува, туку само расте со текот на времето.
Научници, истражувачи и експерти со подлабок џеб следната година ќе имаат можност да ги посетат остатоците од легендарниот брод Титаник, што лежат на дното на Атлантскиот Океан.
Нуркањата ги организира OceanGate Expeditions, компанија посветена на истражување на подводниот свет. Мисиите ќе започнат на крајот на мај 2021 година и ќе се собираат слики, видеа, ласерски скенирања и податоци од сондите за да се состават основни сознанија за моменталната состојба на бродот. Оваа основа ќе се искористи за да се процени стапката на распаѓање со текот на времето и да се помогне во документирање и зачувување на историската локација.
Билетот за ова уникатно искуство чини 125.000 американски долари. Планирани се шест десетдневни мисии, а нив ќе ги овозможи подводно возило што заедно го создадоа Boeing и НАСА.
Секоја „тура“ до Титаник ќе може да прими пет лица, а потоа ќе следи нуркање до длабочина од 3.800 метри. Патниците ќе имаат поглед на длабочините низ 21-инчен кружен прозорец.
Целта на истражувањето е да се процени состојбата на Титаник и да се забележат артефактите што го опкружуваат бродот. Исто така, ќе бидат евидентирани некои од околу 300 видови животни кои живеат во остатоците од бродот.
Користејќи сонди, ласерски скенери и друга технологија, ќе се создаде детален 3Д модел на остатоците од бродот, како и големината на полето од остатоци што го опкружува.
Бродот Титаник потона ноќта на 14 април, 1912 година, на околу 740 километри од најблиското копно. Првиот брод кој дошол на помош стигнал час и половина по тонењето, долго откако последната жртва во ладниот океан веќе била мртва. Температурата на водата изнесувала 2,2 Целзиусови степени, а на толку ниска температура човек може да преживее само 15 минути во вода.
Во оваа трагедија загинаа 1.517 луѓе, а најголема шанса за преживување имале патниците од прва класа: биле спасени 63 % од нив. На „Титаник“ имало 20 чамци за спасување во кои можело да собере околу 1.100 патници, што било половина од бројот на патници на бродот таа кобна ноќ.
Повеќе факти за фамозниот брод погледнете ТУКА.