Новозеландски мачор со репутација на талентиран крадец ја довел својата навика за клептоманија на толку високо ниво што сега во својот дом носи разни предмети од дрога и пар чипкасти црни гаќички, благодарение на кои заврши и во медиумите.
Мачорот по име Кит (Keith) го започнал својот бран на злосторства пред три години кога почнал да краде градници од блиските јажиња за пружање веш, а и да носи живи јагули од локалната река Хиткот во Крајстчрч.
Сепак, неговите амбиции се зголемиле. Според сопствениците Џини и Дејвид Рамболд, во последните недели петгодишниот црн мачор донел дома бонг и торба со патент со неидентификуван бел прав. На задната ограда оставил и пар гаќички.
„Му предложив дека дијаманти и готовина би биле подобри“, изјави нејзината сопственичка Џини за веб-страницата Stuff, која беше прва што објави за криминалните склоности на Кит.
„Но, тоа досега не се случи“, додаде таа.
Семејството Рамболд оставило две полни пластични кутии пред влезната порта за да можат соседите да застанат и да ги земат сопствените работи што мачката им ги украла. Но, се покажа дека враќањето на робата малку го одвраќа Кит, кој има навика да ги краде истите работи одново и одново.
Особено сака чизми со челични прсти од локален трговец. И покрај фактот дека човекот ги оптеретил чевлите со флуоресцентни зелени тегови од 2,5 килограми, Кит сепак еден по еден ги довлечкал до дома.
Џини Рамболд вели дека локалното население повеќе се забавувало отколку што се нервирало со клептоманијата на мачорот, но неговите неодамнешни откритија го привлекле вниманието на локалните власти.
Според портпаролот на полицијата, тие биле особено загрижени за најновото откритие на Кит - алатка која се користи за пушење канабис.
„Ќе ја зеплениме алатката и ќе разговараме со Кит од каде ја набавил“, се пошегувал портпаролот на полицијата.
Поради клептоманијата мачорот сега сите го нарекуваат Keith the Thief (Крадецот Кит).
